29.8.18ໃນ​ຕອນ​ເຊົ້າ​ຂອງ​ວັນ​ທີ 29 ສິງຫາ 2018 ຢູ່​ທີ່​ຫ້ອງ​ວ່າການ​ປົກຄອງ​ເມືອງ​ຈັນທະ​ບູລີ​ໄດ້​ເປີດ​ກອງ​ປະຊຸມ​ເຜີຍ​ແຜ່​ກົດໝາຍ ​ແລະ ນິຕິ​ກຳ​ລຸ່ມ​ກົດໝາຍຂອງ​ຂະ​ແໜງ​ການ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານຢູ່​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ, ພາຍ​ໃຕ້​ການ​ເປັນ​ປະທານ​ຮ່ວມ ຂອງທ່ານ ​ເພັດ​ສະ​ໄໝ ນັດ​ຜາ​ສຸກ ຮອງ​​ເຈົ້າ​ເມືອງ​ຈັນທະ​ບູລີ ​ແລະ ທ່ານ ສີ​ຄອນອ່ອນ​ສີ​ພັນ​ລາ ຫົວໜ້າ​ພະ​ແນ​ກ​ໄປສະນີ ໂທລະ​ຄົມມະນາຄົມ ​ແລະ ການ​ສື່ສານນະຄອນຫຼວງ​ວຽງ​ຈັນ ມີ​ບັນດາ​ຫ້ອງການ, ບ້ານ, ປກສ ​ເຂດ ​ແລະຮ້ານອິນ​ເຕີ​ເນັດ-ກາ​ເຟ ​ເຂົ້າ​ຮ່ວມ​ຮັບ​ຟັງ​ໃນ​ຄັ້ງ​ນີ້.

ກອງ​ປະຊຸມ​ຄົ້ງນີ້​ໄດ້​ເຜີຍ​ແຜ່​ກົດໝາຍ​ວ່າ​ດ້ວຍ​ເຕັກ​​ໂນ​​ໂລ​ຊີ-ການ​ສື່ສານ​ ຂໍ້​ມູນ​ຂ່າວສານ, ສະບັບ​ເລກທີ 02/ສພຊ, ລົງ​ວັນ​ທີ 7 ພະຈິກ 2016, ຂໍ້​ຕົກລົງ​ວ່າ​ດ້ວຍ​ການ​ໃຫ້​ບໍລິການ​ທາງ​ດ້ານ​ອິນ​​ເຕີ​ເນັດ-ກາ​ເຟ, ສະບັບ​ເລກທີ 828/ປທສ, ລົງ​ວັນ​ທີ: 11/5/2015 ​ແລະ ​ແຈ້ງ​ການການ​ປະ​ຕິບັດ​ລະບຽບ​ຮ້ານ​ອິນ​ເຕີ​ເນັດ ​ແລະ ຂໍ້ຫ້າມການ​ໃຫ້​ບໍລິການ​ອິນ​ເຕີ​ເນັດ-ກາ​ເຟ.